Lian Makloke (Blog Contest 2012)

Prinsipiu Geral

Hare ba akontesimento ikus-ikus ne’e kona ba kultura original Timor Leste nebe populasaun atu haluha ona, hanesan Estudantes ba Futuru Nasaun tenki hatene didiak no dezemvolve kultura Timor nebe sai identidade. Ita nia nasaun iha kultura nebe oin-oin no iha distrito ida-idak iha ninia kultura rasik nebe refere ba distrito ne’e duni la ses mos husi Dili nebe iha mos kultura rasik.

Kultura adat nebe iha ona nanis ona husi bei-ala sira hanesan riku soin ba povu Timor Leste. Iha parte ida nebe importante atu estudantes sira kumprende ho fuan no laran katak kultura ne’e laos buat ida nebe atu ita lembra deit maibe buat ida nebe ita tenki publika. Dezenvolvimento Teknologia Informasaun agora nebe avansadu teb-tebes halo ita bele tau informasaun no ema hotu iha mundu bele asesu maka liu husi BLOG.

Tamba la presiza orsamento atu halo blog, fasilidade ida ne’e mos hanesan meius positive atu dezemvolve kreatividade liu-liu atu hakerek no mos bele dezemvolve kreatividade iha relasaun ho dezeno nebe kapaas atu ema bele kontente hodi lee.

Ikus mai, atu akomoda funsaun hotu nebe temi iha leten, ICT-TL ho Timor Leste Open Source Community (TOSC) servisu hamutuk ho ICT Parlamento hakarak fasilita torneio kreatividade halo blog kona ba kultura Timor Leste nebe sei halao hamutuk ho Estudantes ou alunus iha Timor Leste tomak nebe iha potensia atu hakerek blog. Espera katak ho aktivade hanesan ne’e, prosesu aprendizagem ba gerasaun foun hodi lori sira ba aktividades nebe positive hodi ajuda no kria personalidade estudante ida-idak nebe kompetente tebes.

Atu dezemvolve no mantein nafatin kultura nebe komesa atu lakon husi dezemvolvimento moderno laos fasil, preciza honestidade neba aas husi povu ne’e rasik. Ho ida ne’e prezisa iha apresiasaun hodi dezemvolve iha mudansa globalizasaun nebe makaas teb-tebes iha mundo. Tamba ida ne’e torneio Blog nebe ami organiza atu sinkroniza Teknologia hodi ajuda dezemvolve kultura nebe iha. Objectivu ne’e atu dada estudantes hodi bele hatene diak liu tan kultura iha Timor Leste hanesan riku soin nasaun no ba ema hotu nian.

Objektivu 
Objektivu nebe atu hetan husi aktividade ne’e maka hanesan:

A. Objektivu Geral

Kria kreatividade ba estudantes sira atu sira bele dezemvolve kultura Timor Leste ba oin.

B. Objektivu Special

Depois estudantes sira hetan lisaun badak ne’e partisipantes iha esperansa atu:

1. Halo estudantes ou alunus sira kuinece no hatene diak liu tan kultura iha Timor Leste nebe ho modelu oin-oin.
2. Fo espiritu ba estudantes ou alunus sira atu dezemvolve sira nia kreatividades
3. Halo estudantes ou alunus sira kreatividade liu iha halo web baseia ba blog.
4. Fo kuinece kultura Timor Leste ba mundo tomak liu husi mundo virtual

Benefisiu

Benefisiu husi torneio blog mak hanesan tuir mai ne’e:

1. Estimula partisipantes atu halo no organiza BLOG ho didiak no lolos.

2. Bele sai hanesan estudu elektroniku (e-learning) husi alunus ou estudantes sira.

3. Aumenta habilidade partisipantes iha area Informasaun no Teknologia.

4. Hanesan media atu treinu kultura hakerek no kreatividades sira seluk.

5. Fo referencia ba estudantes atu aprende diak liutan cultura timor leste nebe kor oin-oin.

6. Kuinecemento varios kultura nebe uniku iha Timor Leste ba mundu liu husi internet.

7. Ho aktividade ida ne’e atu suporta utiliza internet nebe seguru ho nia konteudu lokal liu husi mundu internet ho buat nebe positivu.

Aktividade

Naran Aktividade	Kompetisaun Kreatividade halo Blog “HABURAS KULTURA ITA RAIN”
Kategoria	Nonprofit / Edukasaun
Data Halao	1-2 Setembru 2012
Fatin	Timor Plaza Dili, Timor-Leste
Targeto	Estudante Escola Pre-Secundaria, Escola Secundaria, Universidade maka iha Timor-Leste
Objectivo	Kadi estudantes sira atu kuinece ho hatene kultura Timor Leste nebe ho kor oin-oin. Kadi kreatividade hus estudantes atu sai kreator ba website basea ba blog. Kuinece kultura Timor Leste ba mundu liu husi sistema virtual. Fo buat ida nebe stimulus atu estudantes sira bele dezemvolve sira nia kreatividades.
Targeto aktividade	Ba Estudante Escola Pre-Secundaria, Escola Secundaria, Universidade, publiku nebe aprende uza Blog no mos sira nebe uza blog ativu.
Organizador aktividade	Komunidade Online, ICT-TL, Timor-Leste Open Source Community
Informasaun	Chefe Komisaun: Adelino Dos Santos. HP : 77330135, Email : contact@tosc.tl

Agenda

Aktividade nebe atu halao komposto husi :

Horario registo : 29 – 31 Setembru 2012
Treinamentu Blog : 1 Setembru 2012, Oras tuku 14:00 to'o 17:00 OTL
Torneio : 2 Setembru 2012, Oras tuku 13:00 to'o 16:00 OTL
Resultado Torneio : 2 Setembru 2012, Oras tuku 17:00 OTL

Targeto Aktividade

Estudantes Escola Pre-Secundaria, Escola Secundaria, Universidade, publiku nebe aprende uza Blog no mos sira nebe uza blog ativu.

Torneio

Regulamentos :

1. Tema : “Haburas Kultura Ita Rain”
2. Kuinecemento qualquer kultura Timor Leste, no konvida estudantes atu dezemvolve kultura iha Timor Leste.
3. Blog bele uza Blogger (www.blogspot.com)
4. Idea Rasik (Original), partisipante ida (1) blog ida (Blog Komisaun Organizadora prepara ona).
5. Kreatividade ou uza arte nebe iha konsepto edukativu.
6. Uza lingua tetum, komunikatif no jeitu atu le’e ho historia nebe fasil atu komprende, labele uza lingua estrangeiro (lingua extrangeiro bele uza hodi halo kompleto deit)
7. Partisipantes tenki monta banner Timor Plaza no Timor Telecom hanesan sinal atu partisipa iha torneio ne’e, Copia iha Web www.kultura.tl
8. Dezenu template / layout nebe furak.
9. Hakerek liafuan labele soran hanesan uza liafuan SARA, Pornografia, ou kontra lei nebe bandu iha Timor Leste
10. Dezisaun Juri labele kontra.